主页 > T伴生活 >5间东京超好味星级鳗鱼饭 >

5间东京超好味星级鳗鱼饭

(Presented by Standard Chartered Bank)

每次去日本旅行,都有好多好多好多嘢食係一定要食,拉麵、寿司、天妇罗、烧肉乜乜乜。不过感觉好似漏咗一样好代表到日本饮食文化嘅食物无提到…无错啦,就係鳗鱼饭!其实喺日本周围都有鳗鱼饭食,但偏偏人在日本要拣食啲咩嘅时候,唔知点解永远都会谂拉麵同寿司先,鳗鱼饭真係好少第一时间无谂得起佢。所以今日一于同你温故知新下,介绍返几间去东京唔可以唔试嘅老字号鳗鱼饭店!

「超过260年嘅鳗鱼专家」上野伊豆荣

5间东京超好味星级鳗鱼饭

要数最有历史嘅鳗鱼饭专家,上野伊豆荣一定有份。呢间位于上野嘅本店创始于日本江户时代中期,计返已经超过260年历史,由好耐以前一间小小嘅鳗鱼饭店,变成依家7层高又有气派嘅鳗鱼大楼,就知佢有几多fans啦!

蒲烧鳗鱼Set,有烧鳗鱼、腌菜、鳗鱼肝汤同白饭。

5间东京超好味星级鳗鱼饭

第一次食鳗鱼肝,原来都几弹牙,而且个汤又清又甜。

5间东京超好味星级鳗鱼饭

服务员话呢度嘅鳗鱼烧之前都会先蒸一蒸,然后用嚟自和歌山嘅备长炭再慢慢烧。

5间东京超好味星级鳗鱼饭

伊豆荣 鳗割烹 (上野池の端 本店)

地址:台东区上野2丁目12-22

 

「南千住之宝」尾花

5间东京超好味星级鳗鱼饭

另一间唔可以唔提嘅超好味鳗鱼饭就係呢间位于南千住嘅尾花。南千住虽然比较远离市区,不过每日都有好多日本人专登坐JR入嚟排队食尾花嘅鳗鱼饭,听讲佢开铺前两个钟已经有人开始排,真係好夸张。

招牌鳗鱼饭,老套啲都要讲句,啲鳗鱼真係入口即溶架!

5间东京超好味星级鳗鱼饭

另一样强烈推介,鳗蛋玉子捲!

5间东京超好味星级鳗鱼饭

尾花

地址:东京都荒川区南千住 5-33-1

 

「浅草鳗鱼王」前川

5间东京超好味星级鳗鱼饭

去浅草除咗指定要去雷门寺兜个圈之外,记得一定要去坐落喺浅草地标驹形桥旁边一条小路入面嘅老字号鳗鱼饭前川坐低食鳗鱼打个卡啦!喺呢度唔单止有好好味嘅鳗鱼饭食,仲可以望住个浅草同Skytree景食饭,真係消化都好啲。

坐喺呢个景前食鳗鱼饭,又好似好味啲喎!

5间东京超好味星级鳗鱼饭

虽然间间啲鳗鱼饭卖相都差唔多,但食落你就知啲分别(包括多唔多骨,入口会唔会即溶etc)

5间东京超好味星级鳗鱼饭

5间东京超好味星级鳗鱼饭

5间东京超好味星级鳗鱼饭

全部鳗鱼都係由资深老师傅操刀,包保烧得啱啱好!

5间东京超好味星级鳗鱼饭

5间东京超好味星级鳗鱼饭

驹形 前川 うなぎ

地址:东京都台东区驹形2-1-29

 

「百年鳗鱼老店」宫川本廛

5间东京超好味星级鳗鱼饭

提起去筑地食嘢,好多人都会第一时间谂到寿司同鱼生饭。其实喺筑地外围有一间隐世鳗鱼饭,平时经过你好大机会以为佢係一间唔起眼嘅普通民宿,但当你打开门入到去,就会发现自己即刻入咗一个只有你同鳗鱼饭嘅美好世界。

一睇就知呢条鳗鱼有几鬆化啦。

5间东京超好味星级鳗鱼饭

5间东京超好味星级鳗鱼饭

同样有鳗鱼玉子捲提供,不过呢度连玉子都做到入口即溶。

5间东京超好味星级鳗鱼饭

宫川本廛

地址:东京都中央区筑地1-4-6 宫川本店ビル

 

鳗鱼 赤坂 势きね

5间东京超好味星级鳗鱼饭

鳗鱼 赤坂 势きね喺东京非常出名,成日都有名人嚟帮衬,因为呢度有一种其他店铺无又好特别嘅鳗鱼饭食法,日文叫「ひつまぶし」Hitsumabushi ,即係类似茶泡嘅食法。

呢set就係「ひつまぶし」,仲有其他配料畀你自製茶泡饭。

5间东京超好味星级鳗鱼饭

连杜如风都有介绍过,就知道係必试啦。

5间东京超好味星级鳗鱼饭

鳗鱼 赤坂 势きね

地址:日本东京都涉谷区千駄ヶ谷5-24-2 タイムズスクエアビル14F

以后去日本搵嘢食嗰阵记得唔好忘记鳗鱼饭呢种国宝级美食啦!依家网上成功申请指定渣打信用卡,即有机会赢取HK$5,000旅游礼券,俾你免费飞转日本食好嘢!

立即申请

5间东京超好味星级鳗鱼饭

 

 

 

相关推荐